Die Seriti kommissie van ondersoek na die wapentransaksie gaan regstappe doen teen die wapentransaksie-aktivis, Hennie van Vuuren nadat hy weer botweg geweier het om te getuig.
Die voorsitter van die kommissie, Willie Seriti het aan Van Vuuren se regsverteenwoordiger, Geoff Budlender gesê dat sy kliënt behoorlik gedagvaar is om te getuig.
Budlender beskuldig die kommissie daarvan dat hulle Van Vuuren nie van inligting voorsien het wat hy nodig gehad het om te kan getuig nie.
Van Vuuren het gevra dat die kommissie ontbind word en sê hy voldoen nie aan sy mandaat nie, en dat hy die publiek se vertroue verloor het.
Hy het ook beweer dat die kommissie daarop uit is om geloofwaardige getuienis ten gunste van die staat en wapenkorporasies te diskrediteer.
Seriti het van Vuuren se bewerings as uiters ernstig en onwaar beskou.
Hy het gesê die kommissie wou net aan van Vuuren die geleentheid bied om sy getuienis van korrupsie in die wapenskandaal wat hy beweer hy oor die afgelope 15 jaar ingesamel het, aan die publiek bekend te maak.
Van Vuuren se stand punt iis ook erg deur ander regsluii in die kommissie gekritiseer.
Die kommissie was genoodsaak om Van Vuuren vroeër te dagvaar om Maandag voor hom te verskyn nada thy in Augustus saam met andrew Feinstein en PaulHolden aangekondig het dat hulle enige verdere deelname aan die kommissie sal onttrek omdat dit ni meer herwinbaar is nie en dat sy primëre doel gaan wees om feite toe te smeer.
Holden en Feinstein wat albei in die buiteland is, is ook gedagvaar om hierdie week voor die kommissie te verskyn en sal na verwagting net soos Van Vuuren ook weier om te getuig.
The post Seriti-kommissie: Regstappe teen Van Vuuren appeared first on Die Nuus in Afrikaans – Koerant.co.za.
){kind=link}
Comments