Kollegas moes Maandag middag magteloos toekyk hoe ‘n Pretoriase man tussen twee konstruksiemasjiene doodgedruk word.
Jacques Strydom (27), ‘n werktuigkundige van M & T ontwikkeling is tussen ‘n laaigraaf en ‘n ander swaar konstruksiemasjien, wat sand, rotse en klippe maal, in ‘n fratsongeluk dood.
“Dit was ongelooflik traumaties” het Santie Brink, mensehulpbronbestuurder van M & T ontwikkeling Woensdag gesê.
Volgens Brink is Strydom omstreeks 14:30 per ongeluk tussen die laaigraaf en die ander masjien doodgedruk nadat die drywer van die laaigraaf konsentrasie verloor en vorentoe gery het.
“Die hefboom het vorentoe beweeg en Jacques is toe teen ‘n ander masjien vasgedruk en op die toneel dood.”
Die konstruksiemaatskappy is besig met ‘n residensiële ontwikkeling in Monavoni aan die buitewyke van Centurion
The post Pretoria-man deur boumasjiene doodgedruk appeared first on Die Nuus in Afrikaans – Koerant.co.za.
Comments