Afrikaanse Nuus

Sedert die vrystelling van die twee merkwaardige musikante, Petronel Baard en Johan Liebenberg , se sielvolle duet, MAG JY, einde 2023, is die musiekwêreld behoorlik aan die gons.

Nie net is dié alternatiewe skepping uit Helena Marais se pen gewild onder Afrikaanse musiekliefhebbers nie, maar dit word ook gereeld gespeel deur groot radiostasies reg oor die land, waaronder Bok Radio en Pretoria FM.

Dit is duidelik dat hierdie verwerking deur Schalk Maas en David Cruickshank, wat Baard beskryf as ’n seënwens en herinnering aan liefde, die verbeelding behoorlik aangegryp het.

So ’n spesiale lied, met so ’n kragtige boodskap, verdien natuurlik ook om verder gevier te word en
daarom het die paar besluit dat die tyd reg is om die musiekvideo met aanhangers te deel.

Hierdie besonderse video, wat beslis sal aanklank vind by oud en jonk, is verfilm deur Efpe Senekal
en speel af op verskeie uitsoekplekke in en rondom Kleinbrakrivier.

“Efpe is regtig ’n goeie storieverteller met films, veral ook musiekvideo’s wat in ’n kort tydjie ’n liedjie se boodskap visueel moet oordra,” sê Petronel.

Die tema van die lied is geïnspireer deur die geboorte van Helena se vriendin se babadogter en hoe spesiaal dit vir haar was om te aanskou hoe ’n nuwe lewe die wêreld inkom; met al die moontlikhede en uitdagings wat nog voorlê. Hierdie konsep is ook vir die video gebruik.

“Twee seuntjies, regtig maats in die regte lewe, baljaar rof en lekker in die modder en see, kamp en help mekaar op waar hul klouter op ’n treinbrug, braai malvalekkers om die vuur en baljaar ordentlik soos net kinders kan. Dit word gekombineer met my en Johan, wat in ’n mooi ateljee-omgewing sing,” verklap sy.

“Die boodskap word onderskraag dat die lewe, gebore uit kinderherinneringe van vriendskap, ondersteuning en samesyn, nooit weggaan nie en dat ’n mens aanhou goeie wense wens vir diegene vir jy omgee”
☆☆☆☆
Since the release of the remarkable musicians Petronel Baard and Johan Liebenberg ’s soulful duet, MAG JY, at the end of 2023, the music world has been buzzing with delight.

Not only is this alternative creation, written by Helena Marais, popular among Afrikaans music lovers, but it is also regularly played by major radio stations across the country, including Bok Radio and Pretoria FM.

It is clear that this rendition by Schalk Maas and David Cruickshank, described by Baard as a blessing and a reminder of love, has truly captivated the imagination of music enthusiasts and critics alike.

Such a special song, with such a powerful message, naturally deserves to be further celebrated, and therefore, the singers have decided that the time is right to share the music video with fans.

This remarkable video, sure to resonate with both young and old, was filmed by Efpe Senekal at various selected locations in and around Kleinbrakriver near Mossel Bay.

“Efpe is truly a great storyteller with films, especially music videos that need to visually convey a song’s message in a short time,” shares Petronel.

The theme of the song is inspired by the birth of Helena’s friend’s daughter and how special it was for her to witness a new life entering the world, with all the possibilities and challenges that lie ahead. This concept is also used in the video.
“Two little boys, real buddies in real life, play in the mud and sea, camp, and help each other climb on a train bridge, roast marshmallows by the fire, and have fun like only children can. It is combined with Johan and me, singing in a beautiful studio setting,” she explains. “The message emphasizes that life, born from childhood memories of friendship, support, and companionship, never fades, and one continues to wish good wishes for those you care about.

More on:
www.petronelbaard.com
@D123Steve @johanliebenberg9419 @efpesenekal6918

Woorde:

Mag jy wild en braaf wees
sonder sorge of vrees
Mag jy elke dag lag
soet slaap in die nag
Mag jou hart nooit hard raak
vir die wêreld en sy wraak
Mag jou wonde gou genees
mag jy orals welkom wees

En as die storms kom
en dit gooi jou om, onthou
jy het ñ hand wat jy aan kan vashou
En as die mure om jou begin val
onthou, onthou – ons is tydelik
materiaal

As die aande koud raak
en jou vlamme word geblus
Mag jy nooit jou vuur verloor nie
mag jy bly net wie jy is
En al veg jy soms verbete
en jy swem op teen die stroom
Mag jy nooit jou stem verloor nie
Mag jy altyd aanhou droom

En as die storms kom
en dit gooi jou om, onthou
jy het ñ hand wat jy aan kan vashou
En as die mure om jou begin val
onthou, onthou – ons is tydelik
materiaal

Helena Marais